Մասնակիցներ ` 1.1 դասարանի սովորողներ
Նպատակը՝
Զարգացնել և ամրապնդել կարդալու, մտածելու, ստեղծագործելու կարողությունները, ամառային ուսումնական արձակուրդի ընթացքում վերհիշել սովորածը և ամրապնդել:
Ժամկետը՝ մինչև ամառային արձակուրդների ավարտը
Խնդիրները՝
- վերհիշել ուսումնասիրած ստեղծագործությունները,
- նոր գեղարվեստական գրքեր, հեքիաթներ կարդալ, գրի առնել հատվածներ,
- կարդացած նյութի վերաբերյալ կատարել վերլուծություն՝ եզրակացություն անել,
Ընթացքը և նկարագրությունը՝Կարդա գրականության ցանկից քեզ դուր եկած որևէ ստեղծագործություն՝ Դոնալդ Բիսեթ, Ջաննի Ռոդարի, Հովհ. Թումանյան, Ղազարոս Աղայան, ինչպես նաև ՝ Աստրիդ Լինդգրեն «Էմիլը Լյոնեբերգայից» /պարտադիր չէ/, Աստրիդ Լինդգրեն «Մանչուկն ու Կառլսոնը» /պարտադիր չէ/Ալան Ալեքսանդր Միլն՝ «Վինի Փու արջուկը»/պարտադիր չէ/ , կարող ես ինքդ ընտրել այլ ստեղծագործություն, կարող ես վերցնել քո սիրելի հեքիաթի գիրքը: Կարդա՛ ստեղծագործությունը, ներկայացրու քեզ հարմար տարբերակով․
- փոքրիկ տեսագրությամբ կամ ձայնագրությամբ պատմի՛ր ստեղծագործության մասին, նշի՛ր՝
- ո՞ր հատվածը քեզ դուր եկավ,
- ո՞ր հերոսին կցանկանայիր նմանվել և ինչո՞ւ,
- ո՞ր կերպարը քեզ դուր չեկավ և ինչո՞ւ,
- ո՞ր կերպարը կամ դրվագն էր քեզ համար զվարճալի կամ հետաքրքի,
- ի՞նչ սովորեցրեց քեզ այդ ստեղծագործությունը,
- ինքդ հորին ի՛ր փոքրիկ պատմություն և վերնագրի՛ր:
- Կարդացած հեքիաթը ներկայացրու ՛ նաև նկարի միջոցով՝ Paint նկարչական ծրագրով, գուաշով կամ ջրաներկով նկարելով, կարող ես նաև քանդակել կավով կամ ծեփամածուկով:
- Paint նկարչական ծրագրով կարող ես նկարել հեքիաթից առանձին դրվագներ և մոնտաժային ծրագրով այդ նկարներից մուլտֆիլմ պատրաստել;
Իմ նախասիրությունները՝ Տեսանյութի միջոցով պատմի՛ր ՝ ինչով ես սիրում զբաղվել ազատ ժամանակ:
Իմ ամառային հանգիստը/ ճամփորդությունները՝ Ամռան ընթացքում , վստահ եմ, շատ ես ճամփորդում, պատմի՛ր քո ճամփորդությունների և ամառային հանգստի մասին՝ ինչպես ես անցկացնում, ի՞նչ հետաքրքիր օրեր ես ունեցել այս ընթացքում:
Մաղթում եմ ամառային ուրախ ու գունեղ ուսումնական հանգիստ: