Մասնակիցներ՝ Հարավային դպրոցի 1.1 և 4.1 դասարանի սովորողներ։
Նպատակը
- ազգային մշակույթի յուրացում, փոխանցում, տարածում
Խնդիրներ
- փառատոնի մասնակցության համապատասխան ուղղության ընտրություն, թեմատիկ ուսումնական նյութերի ուսումնասիրություն, հետազոտություն, հավաքագրում, ներկայացում
- «Բլեյան» կրթական ցանցով՝ ազգային փառատոնի հիմքով, կրթամշակութային բաց, լայն, տեսանելի, շոշափելի մշակութային երկխոսության, կամուրջների, կապերի ստեղծում, տարածում
- կրթահամալիրի ուսումնական օրացույցից ելնելով` գործուն, երկարաժամկետ, շուրջտարյա, համագործակցային, միջառարկայական, ուսումնական, հեղինակային նախագծերի իրականացում
Անոտացիա
Ուսումնասիրելով 2024 թվականի Ազգագրական փառատոնի 2024-ի ուղղությունները, նախընտրեցինք 1-ին դասարանի սովորողների հետ շարունակել, ավելի ճիշտ՝ վերսկսել «Ազգային TV» դասարանական հաղորդաշարը։ Սկզբնական փուլում հաղորդումներին կմասնակցեն նաև 4.1 դասարանի սովորողները «Սովորող-սովորեցնող» նախագծի շրջանակում կօգնեն կրտսեր ընկերներին արագ յուրացնել պարային շարժումները, սովորել պարերգերը, տեղեկատվական նյութեր կգտնեն և կընթերցեն համացանցից, կօգնեն աշխատել տեսախցիկի հետ և նրա առջև։
«Ազգային TV»-ի նախագիծը՝ այստեղ։
Ազգագրության փառատոնի ուղղություններ՝
Սովորողները կընտրեն հետեւյալ ուղղություններից 3-ը, կնկարահանենք երեք հաղորդաշար և կներկայացնենք Ազգագրության փառատոնին։
Պարեր՝
- ազգային պարեր, պարերգեր
- ձմեռային տոներ, ծեսեր
- ազգային խաղեր
կամ
Խոհանոց՝
- ազգային խոհանոց
Գյուղի, քաղաքի ֆոլկլոր՝
բարբառով հեքիաթի ընթերցում . մենք ունենք գյումրեցի, լոռեցի սովորողներ, ովքեր տիրապետում են բարբառի և կարող են հեքիաթ պատմել իրենց ընկերների համար։
Անցկացման ժամանակահատվածը՝ հունվարի 8-26, 2024 թ.
Ազգագրության փառատոնի մասնակցության ձևը՝
ուսումնական նյութերի, փաթեթների ստեղծում, հանրայնացում, տարածում։
Ամփոփումը՝
Ստուգատեսն ամփոփվում է հունվարի 26-ին` Ղափամայի համայնքային ծեսով՝ «Մխիթար Սեբաստացի» կրթահամալիրի Մարմարյա սրահում (հասցե՝ Բաբաջանյան 25 )։
Գործունեության ամփոփում՝
Ազգային խոհանոցը ներկայացնում է Ավետ Հովհաննիսյանի ընտանեկան դպրոցը՝
«Թանապուր», «Սպաս»