Իրականացման տևողությունը՝ մարտ ամիս
Խումբը՝ 3-րդ դասարանի սովորողներ
Նպատակը` Ձեռք բերած տեխնոլոգիական հմտությունների շնորհիվ նպաստել շրջակա միջավայրի պահպանման, մաքրման, բարելավման աշխատանքներին:
Խնդիրները՝
- ստեղծագործական երևակայության զարգացում
- անսովոր լուծումներ գտնելու կարողության զարգացում
- տեխնոլոգիական հմտությունների զարգացում
- մեդիահմտությունների զարգացում
- ուսումնասիրելու, դիտարկելու, արձանագրելու հմտությունների զարգացում
- հոգատարության (խնամք), պատասխանատվության, հետևողականության դրսևորում ուսումնական (աշխատանքային) գործունեության ընթացքում.
Միջավայրը՝ դասասենյակ, բնագիտության լաբորատորիա, խեցեգործարան, բակ:
Անհրաժեշտ գործիքները՝ անհատական նեթբուք-նոթբուք, ձայնագրիչ, ֆոտոխցիկ, գունավոր թղթեր, ժապավեններ, սոսինձ, մկրատ, կավ, ջրաներկ, գուաշ, վրձին, թափոններ , այլ նյութեր:
Սովորողների նախնական կարողություններ և հմտություններ
Կատարում են վերադիր աշխատանք գունավոր թղթերով եւ մկրատով , պատրաստում են տոնական շարժական բացիկներ , սովորողները ունեն մեդիատեխնոլոգիական հմտություններ: Խնամում են սենյակային բույսեր:
Սովորողները կարողանում են աշխատել համակարգչային paint, ms office word, power point ծրագրով, վարում են անձնական բլոգ։
Ուսումնական գրականության, այլ ռեսուրսների ցանկ
- Հովհաննես Թումանյան
- «Մարտ»
- «Աղբյուրը»
- «Թռչունի մտածմունքը»
- «Ամենից լավ տունը»
- «Մանուկն ու ջուրը»
- «Գարնան առավոտ»
- «Համբարձման առավոտ»
- «Վարդը», Վ․ Գյոթե, թարգմանությունը՝ Հ․ Թումանյան
- «Ձնծաղիկ»
- «Մանուշակ»
- «Գետակը»
- Ծաղիկները
- «Գարուն» Աթ. Խնկոյան
- Երաժշտական ստեղծագործությունների ցանկ
- Ախ, ինչ լավ են
- Խնկի ծառ
- Ախ, գարուն է
- Պաղ աղպուր զուլալ ջուր
- այլ (ուսումնական ֆիլմ, մուլտֆիլմ, տեսանյութ, տեսադաս)
Նախագծի իրականացման ընթացքը (ընդհանուր նկարագրություն)
«Ձոն» ուսումնական նախագիծն ուղղված է արձանագրելու սովորողների տեխնոլոգիական կարողություններն ու հմտությունները: Կրտսեր դպրոցում, մասնավորապես երրորդ դասարանում, նախագծի հիմնական թեման, ուղղությունը մայրիկն է, բնությունը: Որպես գարնան առաջին նախագիծ այն նախատեսում է հանրօգուտ (ներքին, արտաքին միջավայրի մաքրություն, բարեկարգում, նորացում, թարմացում) աշխատանքների իրականացում, բույսերի խնամք, նոր ծաղկե թաղարների ստեղծում, ծառատունկ: Իհարկե, նախագիծը կարող է խաչվել թումանյանական օրերի ամփոփման, Զատիկի, ռոդիարիական, աղայանական օրերի մեկնարկի հետ:
Նախագծի իրականացումը ըստ գործունեության ոլորտների ՝
Մայրենի լեզու + ստեղծականություն + մեդիա
Բանավոր և գրավոր պատումներ մայրիկների մասին (նկարագրել, բնութագրել մայրիկներին):
Հորինել ու գրել ակրոստիկոսներ մայիկների համար:
Հորինել ու գրել շնորհավորանքներ ու բարեմաղթանքներ:
Տեխնոլոգիա + մեդիա
Գարնանային պլեներ Հարավի բակում(հարակից այգիներում)
Տոնական բացիկների պատրաստում (թղթային, էլեկտրոնային):
Պատրաստում ենք …. , վերադիր աշխատանք(ուսուցողական նյութը )
Մայրիկների դիմանկարների շարք (թղթի թափոններից): Նկարի շրջանակների պատրաստում, ստեղծած նկարների ցուցահանդես, տեղադրում շրջանակների մեջ՝ նվեր մայրիկներին։
Բնագիտություն + մեդիա
Թափոնների տեսակավորում
Էկոլոգիական աշխատանքներ (Հարավային դպրոցի հարակից տարածքի մաքրում )
Սենյակային բույսերի տնկում՝ այլընտրանքային տարբերակ, խնամք, դիտարկումներ: Ծառատունկ, ծաղկատունկ Հարավի բակում։
Նախագծի ընթացքում նախատեսվող ուսումնական ճամփորդություններ՝
….
Նախագծի ընթացքում նախատեսվում է (ակնկալիքներ, արդյունքներ)
Նախագծի ընթացքում ստեղծված աշխատանքները, հրապարակվում են դասարանական բլոգում, սովորողների բլոգներում, ենթակայքում, կայքում: Նախատեսվում է ստեղծել՝
- Դիմանկար — նվեր մայրիկներին
- էլեկտորնային շարժական բացիկներ
- Մայրիկապատումներ (տեսաֆիլմ, ռադիոհաղորդում)
- բուսերի անսովոր աճեցում եւ խնամք
- ճամփորդապատումներ